ردّت الفنانة المصرية زينة على التهنئة التي وجّهتها لها مواطنتها الفنانة مي عز الدين، بعدما كسبت قضية نسب توأمها "زين الدين وعز الدين" وتم إثبات نسبهما لوالدهما الفنان المصري أحمد عز. وقالت زينة في تعليقها على تهنئة مي : "طبعاً مش عارفة أقولك أي كلمة لأنّ أي كلمة مش كفاية عليكي، على جدعنتك ووضوحك، مي وقفت جنبي في الوقت اللي كنت في لوحدي خالص هي ومامتها ربنا يديها الصحة والعمر وتفرح بيها يارب". وأضافت: "مي كمان جمهورها الكبير المحترم كان في ضهري ومش عارفة أشكرهم ازاي والله ما لاقيه كلام بس اعرفي إني بحبك أوي وها تلاقيني جنبك في كل نجاح وفرح ليكي لأني مش متخيلة ليكي يا مي غير كل خير، لأنك ماتستاهليش غير الخير والفرحة والنجاح". واختتمت كلامها قائلة: "بحبك بحبك بحبك ويارب افرح بأولادك على أحسن راجل في العالم اللي يستاهل قلبك يا حبيبتي".