عوّد الفنان المصري تامر حسني جمهوره ومتابعيه أسبوعياً على التواجد معهم عبر صفحته الرسمية بموقع "فيسبوك" حيث يشاركهم من خلالها بتجاربه في الحياة ليوجّه لهم النصائح ومناقشتهم في بعض الأمور بالمجتمع. وفي تدوينة جديدة طالب جمهوره بالابتعاد عن الشماتة في الموت خاصة والتقرّب إلى الله، حيث كتب قائلاً: "يا شباب إيه رأيكم في الناس اللي بتتريق وبتهزر وبتشمت في مصايب الناس أنا شايف بقى فيه ناس كتير بتفرح في ابتلاءات الناس وبقى في لهجة غريبة عمرها ما كانت في ولادنا لهجة تواصل بالاستهزاء حتى بمن توفاه الله وفجأة يعطون لنفسهم الحق في محاسبته حين سماع خبر وفاته والمضحك توقعاتهم له الآن وينسون أنفسهم". وأضاف حسني "ليه بقى فيه ناس كتير مشغولين بهدم الآخرين بدلاً من بناء أنفسهم بقى فيه ناس بسهولة ممكن تتخلَّى عن أهلها وعن حب عمرهم وعن مبادئهم في لخبطة غريبة في مشاعر بعض الناس، كبرت أوي روح الشماتة وعدم الرحمة وسطنا حتى الصحاب بقى معظمهم يفكر بسوء نية في الآخر". واختتم كلماته قائلاً :"أنا عارف إن وراء كل ده حاجات كتير زي البعد عن ربنا والاستخدام الخاطئ للإنترنت ودخول أفكار غريبة ملوثة علينا وطبعا سوء التربية وأصحاب السوء أنا واثق إن كل حد فيكم عارف الكلام ده كويس، بس تفتكروا بقى إيه الحلول من وجهة نظر كل حد فيكم".